محشش سايق سيارة اسعاف في الحرب شال 35 قتيل, سمع في الراديو
سقوط 30 قتيل , وقف و فتح الباب و قال الخمسة اللي بيستهبلوا ينزلوا
_______________________________________
*اتنين مساطيل واحد بيسأل الثاني ليه سموا الناموس ناموس
رد التاني : علشان بيخلي الناس مايناموس
____________________________________________ ______ _
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟
قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
____________________________________________ _____
سألوا واحد سكران: مين أهم الشمس ولا القمر ، رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
_________________________________________
مره اتنين اعدين يحششوا طينه واحد قال للتانى تصدق انا شيفك تلاته والتانى قالو وانا شيفك اربعه واختلفوا مين شايف التانى قالو احنا نروح لكبير المحششين وراحو للكبير وقالولوكذاكذا
قال لهم كل الناس دى علشان المشكله البسيطه دى
______________________________________
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
_________________________________________________
خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار
____________________________________
كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوا الجزر فين قالوا له :عملناه عثير وثربناه
_______________________________________
أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
_____________________________________
مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ
______________________________________
مره واحد محكوم عليه بالاعدام وقبل مايشنقوه قالوله نفسك فى حاجه قبل ماتموت قالهم لأ
المهم بعد ما ربطوه وعلقوه فى الحبل قعد يرفس برجليه ويزعق
قامو منزلينه وقالوله فى ايييه
قالهم:ياجزم كنت هتخنق
______________________________________
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم
_______________________________________
واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين
_______________________________________
قرار جمهوري
الى كل المصريين
تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية
وهنيالك يا جمال بالحكم ان شاء الله بعد ابوك
تحيتي حسن العاطفي
الجمعة أغسطس 14, 2009 11:35 am
